இலங்கைத் தமிழரசுக் கட்சியின் வேட்பாளர் தெரிவுக் குழுக் கூட்டம் இன்று இடம்பெறவுள்ளது.
நேற்றைய தினம் இலங்கை தமிழரசு கட்சியின் மத்தியச் செயற் குழுக் கூட்டம் நடைபெறும் எனத் தெரிவிக்கப்பட்டிருந்தாலும் அது நடைபெற்றிருக்கவில்லை.
இந்தநிலையில் இன்று கூடும் வேட்பாளர் தெரிவுக் குழு, மாவட்ட ரீதியாகத் தமிழரசுக் கட்சியில் போட்டியிடும் வேட்பாளர்களின் பெயர்ப் பட்டியலை வெளியிடும் என எதிர்பார்க்கப்படுகிறது.
சுமந்திரனின் கோரிக்கைக்கு அமைவாக சாள்ஸ் நிர்மலநாதன் மீண்டும் நாடாளுமன்ற தேர்தலில் போட்டியிடவுள்ளதாக தெரிவித்துள்ளார்.
நாடாளுமன்ற பொதுத் தேர்தலில் போட்டியிடும் இலங்கை தமிழரசுக் கட்சியின் வேட்பாளர்கள் தொடர்பாக மன்னார் தேர்தல் தொகுதியில் திடீர் திருப்பம் ஏற்பட்டுள்ளது.
தமிழ் கட்சிகளுக்குள் ஏற்பட்ட குழப்ப நிலை காரணமாக பிரதான தமிழ்க் கட்சிகள் நாடாளுமன்ற பொதுத் தேர்தலில் தனித்து களம் காண்கிறது.
