மட்டக்களப்பு கரடியனாறு, வெல்லாவெளி, களவாஞ்சிக்குடி பொலிஸ் பிரிலுள்ள பிரதேசத்தில் கடந்த இரு தினங்களில் மாட்டு பட்டியில் இருந்த 7 பசுமாடுகள் 11 எருமை மாடுகள் உட்பட 18 மாடுகள் திருட்டுப் போயுள்ளதாக இன்று சனிக்கிழமை (12) அந்தந்த பொலிஸ் நிலையங்களின் பொலிசார் தெரிவித்தனர்.
கரடியனாறு பொலிஸ் பிரிவிலுள்ள மாட்டுபட்டியில் வழமைபோல வியாழக்கிழமை இரவு எருமை மாடுகளை பட்டியில் அடைத்திருந்த நிலையில் வெள்ளிக்கிழமை 11 ம் திகதி சென்று பார்த்தபோது அங்கிருந்த 11 எருமை மாடுகள் காணாமல் போயுள்ளதாக பொலிஸ் நிலையத்தில் மாட்டின் உரிமையாளர் முறைப்பாடு செய்துள்ளார்.
அதேவேளை வியாழக்கிழமை (10) திகதி வெல்லாவெளி பிரதேசத்தில் 3 பசுமாடுகளும் நேற்று வெள்ளிக்கிழமை 11ஆம் திகதி ஒரு பசுமாடு உட்பட 4 மாடுகள் திருட்டுப் போயுள்ளதாகவும், அதேசமயம் களுவாஞ்சிக்குடி பொலிஸ் நிலைய பிரிவில் 3 பசுமாடுகள் திருட்டுப்போயுள்ளதையடுத்து 18 மாடுகள் இரு தினத்தில் திருட்டுப் போயுள்ளதாக பொலிஸார் தெரிவித்துள்ளனர்.
இந்த திருட்டுச் சம்பவம் தொடர்பாக அந்தந்த பொலிஸ் நிலைய பொலிசார் விசாரணைகளை மேற்கொண்டு வருகின்றனர்
