இந்தியாவின் உச்சநீதிமன்றத்தில் கண்களை மூடியபடியே நீதி தேவதை சிலை இருப்பது வழக்கம். அந்த சிலையானது செல்வம், அதிகாரம், அந்தஸ்து ஆகியவற்றை பார்க்க முடியாது என்பதை உணர்த்தும் விதமாக கண்கள் கட்டப்பட்ட நிலையிலும், அதிகாரம் மற்றும் அநீதியை தண்டிக்கும் வகையில் கையில் வாளுடன், மற்றொரு கையில் தராசுடனும் இருந்தது. ஆங்கிலேயர் காலத்தில் இருந்து இந்த நடைமுறை பின்பற்றப்பட்டு வருகிறது.
ஆனால், மரபிலிருந்து புதிய மாற்றமாக கண்களை திறந்த நீதி தேவதை சிலையானது தற்போது வைக்கப்பட்டுள்ளது பலரால் பெரிதும் பேசப்பட்டு வருகிறது.
இந்நிலையில், இந்திய தலைமை நீதிபதி டி. ஒய். சந்திரசூட் உத்தரவின் பேரில், உச்சநீதிமன்ற நீதிபதிகள் நூலகத்தில் இந்த புதிய சிலை திறந்து வைக்கப்பட்டுள்ளது.
அதேசமயம் கண்களை திறந்த நீதி தேவதை சிலை, அனைவரையும் சமமாகப் பார்க்கிறது என்பதைக் குறிக்கிறது என தெரிவிக்கப்படுவதுடன், நீதி தேவதை ஆயுதத்திற்கு பதிலாக அரசியலமைப்பு புத்தகத்தை கையில் ஏந்தியபடி காணப்படுகின்றமை மேலும் குறிப்பிடத்தக்க விடயமாகவும்.
