2009ஆம் ஆண்டுக்குப் பின்னர் வடக்கு, கிழக்கில் உள்ள தமிழர்களின் பூர்வீக நிலங்களை அடாத்தாக அபகரித்து புதிதாக 71 விகாரைகள் அமைக்கப்பட்டுள்ளன என்று தன்னை சந்தித்த கனடா உயர்ஸ்தானிகரிடம் கூறிய சி. சிறீதரன் எம். பி. அது தொடர்பான விவரண அறிக்கை யையும் அவரிடம் வழங்கியுள்ளார்.
இலங்கைக்கான கனடா உயர்ஸ்தானிகர் எரிக் வோல்ஸ் நேற்று சிறீதரன் எம். பியை அவரின் இல்லத்தில்
சந்தித்துப் பேசினார்.இதன்போது, போருக்கு பின்னர் கிளிநொச்சி மாவட்டத்தில் இராணுவத்தினரால் அபகரிக்கப்பட்டுள்ள 4374. 8 ஏக்கர்காணிகள் தொடர்பான விவரம், 2009ஆம் ஆண்டுக்குப் பின்னர் வடக்குகிழக்கிலுள்ள தமிழர்களின் பூர்வீக நிலங்களை அடாத்தாக அபகரித்து, அவ்விடங்களில் புதிதாக அமைக்கப்பட்டுள்ள 71 விகாரைகள் குறித்தவிவரண அறிக்கையையும் சிறீதரன் எம். பி. கனடா உயர்ஸ்தானிகரிடம் கையளித்தார்.
