2026 பொதுநலவாய விளையாட்டுப் போட்டியின் ஆண்களுக்கான ஈட்டி எறிதல் இறுதிப்போட்டியில் இலங்கையின் 23 வயதான ருமேஷ் தரங்க பத்திரகே தங்கப் பதக்கத்தை வென்று நாட்டுக்கு பெருமை சேர்த்துள்ளார்.
இலங்கை நேரப்படி இன்று (01) காலை நடைபெற்ற இறுதிப்போட்டியில், கிளாஸ்கோவிலுள்ள ஸ்காட்ஸ்டவுன் விளையாட்டரங்கில் களமிறங்கிய ருமேஷ், தனது இரண்டாவது முயற்சியிலேயே 89.75 மீற்றர் தூரம் ஈட்டியை எறிந்து முதலிடத்தைப் பிடித்தார்.
இந்த வெற்றியின் மூலம் பொதுநலவாய விளையாட்டுப் போட்டி வரலாற்றில் இலங்கை பெற்றுள்ள மொத்த தங்கப் பதக்கங்களின் எண்ணிக்கை ஆறாக உயர்ந்துள்ளது.
மேலும், 2006ஆம் ஆண்டு பளுதூக்குதல் போட்டியில் சிந்தன விதானகே தங்கப் பதக்கம் வென்றதன் பின்னர், சுமார் 20 ஆண்டுகளுக்குப் பிறகு பொதுநலவாய விளையாட்டில் இலங்கை மீண்டும் தங்கப் பதக்கத்தை வென்றுள்ளமை குறிப்பிடத்தக்க சாதனையாகும்.
