சர்வதேச கூடைப்பந்தாட்ட சங்கத்தின் (FIBA) பிராந்திய அலுவலகம் ஆசியா மற்றும் தெற்காசிய கூடைப்பந்து சங்கம் (SABA), மாலைத்தீவு கூடைப்பந்து சங்கத்துடன் இணைந்து 2024 நவம்பர் 2 தொடக்கம் 6 ஆந் திகதி வரை மாலைத்தீவின் மாலேயில் பெண்கள் நடுவர் மேம்பாட்டு பயிற்சி பட்டறை நிகழ்வொன்று ஏற்பாடு செய்யப்பட்டிருந்தது.
இது தெற்காசியா பிராந்திய வலயத்தினுள், பெண் கூடைப்பந்தாட்ட நடுவர்களை முன்னேற்றுதல் மற்றும் அங்கீகாரம் வழங்குவதில் சிறப்பு கவனம் செலுத்தி ஏற்பாடு செய்யப்பட்ட ஓர் நிகழ்வாகும்.
இதில் தெரிவு செய்யப்பட்ட இந்தியா, இலங்கை மற்றும் மாலத்தீவைச் சேர்ந்த 11 பெண் நடுவர்களுள் இலங்கையில் இருந்து 4 பெண் நடுவர்கள் கலந்து கொண்டனர்.
இதில் மட்டக்களப்பு வின்சன்ட் பெண்கள் உயர்தர பாடசாலையின் உடற்கல்வி ஆசிரியை எம்மா குளோரியாவும் ஒருவராவார். இவர் மட்டக்களப்பு சிசிலியா மகளிர் கல்லூரியின் பழைய மாணவியும், இலங்கை கிறிக்கெட் Level v நடுவருமாவார்.
