களுவாஞ்சிகுடி பொலிஸ் பிரிவிற்குட்பட்ட மகிழூர் பிரதேசத்தில் குடும்பஸ்தர் ஒருவர் தூக்கிட்டு தற்கொலை செய்து கொண்ட சம்பவம் கடந்த (23) இடம்பெற்றுள்ளதாக பொலிஸார் தெரிவித்துள்ளனர்.
நாகபுரம் மகிழூர் பிரதேசத்தைச் சேர்ந்த .இரு பிள்ளைகளின் தந்தையான நடேசன் சத்தியசீலன் (32) என்பவரே இவ்வாறு தூக்கிட்டு தற்கொலை செய்து கொண்டவராவார்.
கடந்த ஏழு வருடங்களாக தனது மனைவியுடன் ஏற்பட்ட தகராற்றினால் மனைவி பிள்ளைகளை விட்டு பிரிந்து தனது சகோதரியுடன் வாழ்ந்து வந்த நிலையில் சம்பவ தினத்தன்று சகோதரியின் வீட்டில் தனக்குத்தானே தூக்கிட்டு தற்கொலை செய்த நிலையில் தூக்கில் இருந்து மீட்டெடுத்து களுவாஞ்சிகுடி வைத்தியசாலைக்கு கொண்டு சென்ற போது சிகிச்சை பலனின்றி உயிரிழந்ததாக பொலிஸாரின் ஆரம்பக்கட்ட விசாரணைகளின் போது தெரியவந்துள்ளது.
களுவாஞ்சிகுடி நீதிமன்ற நீதிவான் ஜே.வி.ஏ.ரஞ்சித்குமார் அவர்களின் உத்தரவிற்கமைவாக சம்பவ இடத்திற்கு சென்ற மண்டூர் பிரதேச திடீர் மரண விசாரணை அதிகாரி தம்பிப்பிள்ளை தவக்குமார் பிரேதத்தை பார்வையிட்ட பின்னர் உடற்கூற்று பரிசோதனைக்கு உட்படுத்தும் படி சட்ட வைத்திய அதிகாரியிடம் பரிந்துரைத்தார். விசாரணைகளின் பின்னர் சடலம் உறவினர்களிடம் கையளிக்கப்பட்டது. மேலதிக விசாரணைகளை களுவாஞ்சிகுடி பொலிஸார் விசாரணைகளை மேற்கொண்டு வருகின்றனர்.
