மட்டக்களப்பு மாவட்டத்தில் சீரற்ற கால நிலை காரணமாக ஏற்பட்ட வெள்ளத்தினால் 11,971 பேர் பாதிக்கப்பட்டுள்ளதுடன் 9 முகாம்களில் 921 பேர் தஞ்சமடைந்துள்ளதுள்ளனர். 17 வீடுகள் பகுதியளவில் பாதிக்கப்பட்டுள்ளதுடன், பல ஆயிரக்கணக்காண ஏக்கர் வேளாண்மை நீரில் மூழ்கி பாதிக்கப்பட்டதுடன், மாவட்டதிள்ள சில பிரதேசங்களுக்கும், வெளிமாவட்டத்துக்குமான போக்குவரத்து மற்றும் ரயில் சேவை துண்டிக்கப்பட்டுள்ளது.
கடந்த 18 ஆம் திகதி ஆரம்பித்த கன மழையினால் மாவட்டதிலுள்ள பெரிய குளமான உன்னிச்சை குளம் மற்றும் ஏனைய குளங்கள் யாவும் நிரம்பியதையடுத்து தேவைக்கு எற்றால் போல வான்கதவுகளும் திறக்கப்பட்டமையால் வயல் நிலங்கள் வெள்ள நீரில் மூழ்கியது.
இந்த நிலையில் வெள்ளத்தினால் மாவட்டதிலுள்ள தாழ்நிலப்பகுதிகள்மூழ்கியதையடுத்து 3737 குடும்பங்களைச் சோர்ந்த 11971 பேர் பாதிக்கப்பட்டதுடன், 17 வீடுகள் பகுதியளில் சேதமடைந்துள்ளது.
மேலும் 3037 குடும்பங்கனைச் சேர்ந்த 10031 பேர் வீடுகளை விட்டு வெளியேறி உறவினர் வீடுகளில் தஞ்சடைந்துள்ளதுடன், 9 முகாம்களில் 334 குடும்பங்களைச் சேர்ந்த 921 பேர் தஞ்சமடைந்துள்ளதாக அனர்த்த முகாமைத்துவம் தெரிவித்துள்ளது
இதேவேளை மாவட்டதிலுள்ள பல பிரதேசத்திலுள்ள வீதி தாம்போதிகளின் மேலால் 4 அடி உயரத்துக்கு வெள்ள நீர் பாய்ந்து ஓடுவதால், வெல்லாவெளிக்கும் மண்டூருக்கும் இடையிலான போக்குவரத்தும், கிரானுக்கும் புலிபாய்ந்தகல் பிரதேசத்துக்குமான போக்குவரத்தும் துண்டிக்கப்பட்டு, அதற்கான படகு சேவைககளும் இடம்பெற்று வருகின்றது.
இந்த வெள்ள அனர்த்தத்தினால் பாதிக்கப்பட்வர்களுக்கு சமைத்த உணவு வழங்கப்பட்டு வருவதுடன், தொடர்ந்து மழை பெய்தால் வெள்ளத்தினால் இன்னும் பல குடும்பங்கள் குடியிருப்புக்களை விட்டு வெளியேற வேண்டிய நிலை ஏற்பட்டுள்ளதுடன், தொடர்ந்து மழைபெய்துவருவதால் மக்களின் அன்றாட தேவைகளை பூர்தி செய்ய முடியாமல் பல்வேறு அசௌகரியங்களுக்கு முகம் கொடுத்து வருகின்றனர்.
