பொருட்கள் மற்றும் தொழில் நுட்பங்கள் மீதான ஏற்றுமதிக் கட்டுப்பாடுகளை திரும்பப் பெறுவதற்கு அமெரிக்கா மற்றும் சீனா நாடுகளுக்கிடையில் ஒப்புதல் மேற்கொள்ளப்பட்டுள்ளது.
உலகளாவிய உற்பத்தியை சீர்குலைக்கும் அச்சுறுத்தலை ஏற்படுத்தும் பதட்டங்களைத் தணிக்கவும் ஏற்றுமதி கட்டுப்பாடுகளை தளர்த்தவும் லண்டனில் இரண்டு நாட்கள் பேச்சுவார்த்தைகளை முடித்த பின்னர், அமெரிக்காவும் சீனாவும் தங்கள் வர்த்தக போர் நிறுத்தத்தை செயல்படுத்த ஒரு கட்டமைப்பில் ஒப்புக் கொண்டதாக தெரிவிக்கப்பட்டது.
கடந்த மாதம் ஜெனீவாவில் நடந்த சுற்று பேச்சுவார்த்தைகள் மற்றும் கடந்த வாரம் இரு நாடுகளின் தலைவர்களுக்கிடையேயான தொலைபேசி அழைப்பு மூலம் எட்டப்பட்ட ஒருமித்த கருத்தை எவ்வாறு செயல்படுத்துவது என்பது குறித்த கட்டமைப்பிற்கு அமெரிக்க மற்றும் சீன பேச்சுவார்த்தையாளர்கள் “கொள்கையளவில்” ஒப்புக் கொண்டதாக சீன அரசு ஊடகம் தெரிவித்தது.
இந்த நிலையில் இரு தரப்பு அதிகாரிகளும் இப்போது இந்த திட்டத்தை தங்கள் தலைவர்களிடம் ஒப்புதலுக்காக எடுத்துச் செல்வார்கள் என்று அமெரிக்க வர்த்தக செயலாளர் ஹோவர்ட் லுட்னிக் லண்டனில் ஒரு தனி மாநாட்டில் செய்தியாளர்களிடம் தெரிவித்தார் என்று செய்தி வெளிவந்தது. “அது அங்கீகரிக்கப்பட்டால், நாங்கள் கட்டமைப்பை செயல்படுத்துவோம்” என்றும் அவர் தெரிவித்தார்.
ஒப்பந்தத்தின் எந்த விவரங்களையும் இரு தரப்பினரும் வெளியிடவில்லை என்றாலும், மற்றொன்றுக்கு முக்கியமான பொருட்கள் மற்றும் தொழில்நுட்பங்கள் மீதான ஏற்றுமதி கட்டுப்பாடுகளை திரும்பப் பெற இருவரும் ஒப்புக்கொண்டதாக லுட்னிக் சுட்டிக்காட்டினார்.
