மாலத்தீவுக்கான உலகளாவிய சுற்றுலா தூதராக பிரபல நடிகை கத்ரீனா கைப் அறிவிக்கப்பட்டார்.
நேற்றையதினம் (11) சமூக ஊடகங்களில் வெளியிடப்பட்ட அறிவிப்பின்படி,
நடிகை கத்ரீனா கைஃப் மாலத்தீவுக்கான உலகளாவிய சுற்றுலா தூதராக நியமிக்கப்பட்டார். இந்திய திரைப்படத் துறையில் ஒரு முக்கிய முகமான கைஃப், மாலத்தீவுக்கான உலகளாவிய பிராண்ட் தூதராக இருப்பதில் மகிழ்ச்சி அடைவதாக மாலத்தீவு சந்தைப்படுத்தல் மற்றும் மக்கள் தொடர்பு கழகம் (MMPRC/ Visit Maldives) அறிவித்தது.
அதேவேளை இந்தியாவுடனான ராஜதந்திர மோதலுக்குப் பிறகு சுற்றுலாத் துறையை மீட்டெடுக்க இது ஒரு முக்கிய நடவடிக்கையாகக் கருதப்படுகிறது.
நடிகை கத்ரீனா கைஃப் வெளியிட்டுள்ள அதிகாரப்பூர்வ அறிக்கையில்,
உலகளாவிய பிராண்ட் தூதராக தனது நியமனத்தை ஏற்றுக்கொண்டார்.
மேலும் மாலத்தீவுகள் வழங்கும் ஆடம்பரத்தையும் அழகையும் பிரதிநிதித்துவப்படுத்துவதில் தான் உற்சாகமாக இருப்பதாகவும் அவர் தெரிவித்தார்.
இந்திய பிரதமர் நரேந்திர மோடியின் மாலத்தீவு வருகைக்கு ஒரு மாதத்திற்கு முன்னதாக இந்த அறிவிப்பு வந்துள்ளது.
இது மாலத்தீவு இந்தியா இடையே ஏற்பட்ட பதட்டங்கள் தணிந்துள்ளதை எடுத்துக்காட்டுவதாக அமைந்துள்ளதாகவும் தெரிவிக்கப்படுகிறது.
இதேவேளை,மாலத்தீவு சுற்றுலாத் துறைக்கான உலகளாவிய தூதுவராக நடிகை கத்ரீனா கைப் நியமிக்கப்பட்டதை அறிந்த உலகவாழ் அவரது இரசிகர்கள் அதனை கொண்டாடி வருகின்றமை குறிப்பிடத்தக்கது.
