அமெரிக்க ஜனாதிபதி டொனால்ட் ட்ரம்ப் கொண்டு வந்த ‘பிக் பியூட்டிபுல்’ வரிக்குறைப்பு மசோதாவுக்கு அமெரிக்க செனட் சபை அனுமதியளித்துள்ளது.
இதன்மூலம் ஒரு பெரிய வெற்றியைக் கண்டோம் என்று ட்ரம்ப் மகிழ்ச்சி தெரிவித்துள்ளதுடன் இந்த வெற்றிக்குப் பின்னால் பல குடியரசுக் கட்சி செனட்டர்களின் பணி இருப்பதாக ட்ரம்ப் குறிப்பிட்டார்.
குறிப்பாக செனட்டர்கள் ரிக் ஸ்காட், மைக் லீ, ரான் ஜான்சன் மற்றும் சின்தியா லுமிஸ் ஆகியோரின் பணியை அவர் பாராட்டினார்.
அவர்களின் ஒத்துழைப்பு இல்லாமல் இந்த மசோதா செனட்டில் வெற்றி பெற்றிருக்க முடியாது என்று ட்ரம்ப் தெரிவித்தார். இந்த மசோதா அனுமதி வெற்றி ட்ரம்பிற்கு அதிக அரசியல் பலத்தை அளித்துள்ளது.
மசோதாவின் முழு விவரங்கள் விரைவில் வெளியிடப்படும் என்று எதிர்பார்க்கப்படுகிறது. இந்த மசோதாவை எதிர்த்தே ட்ரம்ப்பை கடுமையாக விமர்சித்து எலான் மஸ்க் பதவி விலகியதும் குறிப்பிடத்தக்கது.
