மட்டக்களப்பு மாமாங்க ஈஸ்வர் ஆலயத்தில் ஐஸ்கிரீம் விற்பனை மூலம் திரட்டப்பட்ட நிதியில் இருந்து காற்றடைத்த படுக்கை விரிப்புக்கள் (Air- Mattress) வைத்தியசாலைக்கு வழங்கி வைத்துள்ளனர் மட்டு லியோ கழகத்தினர்.
மட்டக்களப்பு மாமாங்க ஈஸ்வர் ஆலயத்தில் மட்டக்களப்பு லியோ கழகத்தால் முன்னெடுக்கப பட்ட ஐஸ்கிரீம் விற்பனை நிலையத்தினால் (Leo Ice Cream Stall) கிடைக்கப் பெற்ற இலாபத்தில் முதல் கட்டமாக தற்கால மருத்துவ பொருட்களின் பற்றாக்குறையின் அவசியத்தை உணர்ந்து நேற்று மட்டக்களப்பு போதனா வைத்தியசாலையில் அதி தீவிர சிகிச்சை பிரிவிற்கு (ICU)பெறுமதி வாய்ந்த இரண்டு காற்றடைத்த படுக்கை விரிப்புக்கள் (Air- Mattress) (நோயாளர்களுக்கு படுக்கை புண் வராமல் தடுப்பதற்கு) உடனடியாக வழங்கப்பட்டது.
இது குறித்து மேலும் தெரிவிக்கையில் இவ் Ice Cream Stall மூலம் கிடைக்கப்பெற்ற நிதி மேலும் பல்வேறு சமூக நல திட்டங்களுக்கு பயன்படுத்தபட உள்ளதாக தெரிவித்தனர்.
இவ் Ice Cream Stall இல் எந்த வித பிரதிபலனும் எதிர்பாராது இரவும் பகலுமாக செயற்பட்ட மட்டக்களப்பு லியோ கழக அங்கத்தவர்கள் அனைவருக்கும் நன்றிகளை தெரிவிப்பதோடு எமது Ice Cream Stallக்கு வருகை தந்து கொள்வனவு செய்வத்தன் மூலம் இவ் நல செயல் திட்டங்களுக்கு பங்களிப்பு வழங்கிய அனைவருக்கும் நன்றிகளை தெரிவித்து கொள்கிறோம் என்றனர்.
