தமிழர் தரப்பினரால் குருந்தூர் மலையில் ஏற்பாடு செய்யப்பட்ட பொங்கல் நிகழ்வுக்கு இடையூறு விளைவித்த பௌத்த பிக்குவுக்கு எதிராக நடவடிக்கையெடுக்குமாறு பொலிஸில் முறைப்பாடளிக்கப்பட்டுள்ளதாக தெரிவிக்கப்பட்டுள்ளது.
நாடாளுமன்ற உறுப்பினர் செல்வராஜா கஜேந்திரனால் முல்லைத்தீவு பொலிஸில் நேற்றைய தினம் முறைப்பாடு செய்யப்பட்டுள்ளதாக தெரிவிக்கப்பட்டுள்ளது.
வழிபாட்டின் போது குருந்தூர் மலை ஆதிசிவன் ஐயனார் ஆலயத்திற்குள் அத்து மீறி நுழைந்து வன்முறையில் ஈடுபட்ட தேரருக்கு எதிராக நடவடிக்கையெடுக்குமாறு முறைப்பாட்டில் கூறப்பட்டுள்ளது.
இதேவேளை மத வழிபாட்டு சுதந்திரத்தை மறுத்து பொங்கல் வழிபாட்டினை தடுத்த தொல்பொருள் திணைக்கள அதிகாரிகளுக்கு எதிராகவும் நடவடிக்கையெடுக்குமாறு அவ் முறைப்பாட்டில் கோரப்பட்டுள்ளதாக தெரிவிக்கப்படுகிறது.
