தென்னிந்திய திரையுலகில் பிரபல குணச்சித்திர நடிகராக விளங்கிய மதன்பாபு (முழுப்பெயர் கிருஸ்ணமூர்த்தி) இன்று மாலை, 71 வயதில் உயிரிழந்தார்.
புற்றுநோயால் பாதிக்கப்பட்ட அவர், சிகிச்சை பெற்றுவந்த நிலையில் சிகிச்சை பலனின்றி இன்று (02) உயிரிழந்ததாக இந்திய ஊடகங்கள் தெரிவித்துள்ளன.
தமிழ், மலையாளம், தெலுங்கு உள்ளிட்ட மொழிகளில் 100-க்கும் மேற்பட்ட திரைப்படங்களில் நடித்த மதன்பாபு, தனது தனித்துவமான சிரிப்பும், வித்தியாசமான நடிப்புமூலம் ரசிகர்களிடையே தனிச்சின்னம் பெற்றவர்.
அவரின் மறைவு திரையுலகத்தினரிடமும், ரசிகர்களிடமும் ஆழ்ந்த சோகத்தை ஏற்படுத்தியுள்ளது.
மதன்பாபுவின் உடல் அஞ்சலிக்காக சென்னை அடையாறில் உள்ள அவரது இல்லத்தில் வைக்கப்பட்டுள்ளது.
