மட்டக்களப்பு புனித மிக்கேல் கல்லூரிக்கு புதிய அதிபராக நியமிக்கப்பட்டுள்ள திரு. Anton Benedict Joseph அவர்கள் இன்றையதினம் (25/08/2023) வெள்ளிக்கிழமை தமது கடமைகளை உத்தியோகபூர்வமாக பொறுப்பேற்றுக்கொண்டார்.
இவர் பேராதனை பல்கலைக்கழக பட்டதாரி என்பதுடன் இலங்கை கல்வி நிருவாக சேவையில் 2016 ஆம் ஆண்டு இணைந்து கொண்டவர். இவர் தனது பாடசாலை, பல்கலைக்கழக காலங்களில் சிறந்த கால்பந்து வீரராக திகழ்ந்ததுடன் மும்மொழிச் தேர்ச்சியும் பெற்றவர் என்பதோடு பட்டப்படிப்பின் பின்னர் பல்வேறு சர்வதேச தொண்டு நிறுவனங்களின் நிருவாக துறையில் கடமையாற்றிய அனுபவம் கொண்டவர்.
மேலும் கல்வி நிருவாக சேவை நியமனத்தில் முதன்மை நிருவாகியாக தெரிவு செய்யப்பட்டார். மேலும் வடமத்திய மாகாண அனுராதபுரம் கல்வி வலயத்திற்கான நிருவாக பணிப்பாளராகவும் கடமையாற்றியுள்ளார் என்பது இங்கு குறிப்பிடத்தக்கது.
