பாலஸ்தீன சிவில் பாதுகாப்பு மற்றும் சுகாதார அதிகாரிகளின் கூற்றுப்படி, நேற்று(15) காலை காசாவில் இடம்பெற்ற இஸ்ரேலிய தாக்குதல்களில் பதினொரு பாலஸ்தீனியர்கள் கொல்லப்பட்டுள்ளனர்.
ஹமாஸின் போர்நிறுத்த மீறல்களுக்கு பதிலளிக்கும் விதமாக பயங்கரவாத இலக்குகளைத் தாக்கியதாக இஸ்ரேலிய இராணுவம் தெரிவித்துள்ளது.
எனினும், வடக்கு காசாவில் ஒரு கூடார முகாமின் மீது நடத்தப்பட்ட தாக்குதலில் குறைந்தது ஆறு பேர் கொல்லப்பட்டதாகவும், அதே நேரத்தில் அந்தப் பகுதியின் தெற்கில் நடந்த மற்றொரு தாக்குதலில் ஐந்து பொது மக்கள் கொல்லப்பட்டதாகவும் பாலஸ்தீன ரெட் கிரசண்ட் தெரிவித்துள்ளது.
2025, அக்டோபர் 10 ஆம் திகதி நடைமுறைக்கு வந்ததிலிருந்து, போர்நிறுத்த ஒப்பந்தத்தை தினமும் மீறியதாக இஸ்ரேலும் ஹமாஸும் ஒருவருக்கொருவர் குற்றம்சாட்டி வருகின்றன.
இந்த நிலையில், போர்நிறுத்தம் நடைமுறைக்கு வந்ததிலிருந்து குறைந்தது 600 பேர் கொல்லப்பட்டதாக ஹமாஸால் நடத்தப்படும் காசா சுகாதார அமைச்சகம் தெரிவித்துள்ளது.
இந்த மாத தொடக்கத்தில் காசா முழுவதும் இஸ்ரேலிய வான்வழித் தாக்குதல்களில் குறைந்தது 32 பேர் கொல்லப்பட்டதாக உள்ளூர் அதிகாரிகள் தெரிவித்தனர்.
கடந்த மாதம், அமெரிக்க ஜனாதிபதி டொனால்ட் ட்ரம்ப் அமைதி சபை என்ற புதிய அமைப்பை அறிவித்தார்.
இது ஐக்கிய நாடுகள் சபையின் பாதுகாப்பு சபையின் உத்தரவின் பேரில் காசாவில் எல்லைப் பகுதிகளைப் பாதுகாப்பதற்கும், ஹமாஸின் ஆயுதக் குறைப்பை மேற்பார்வையிடுவதற்கும் ஒரு சர்வதேசப் படையை நிறுவுவதற்கான ஆணையைக் கொண்டுள்ளது.
