இருதயபுரம் திரு இருதயநாதர் ஆலய மறைக்கல்வி மாணவர்களும் ஆசிரியர்களும் இணைந்து நடாத்திய இல்ல விளையாட்டுப் போட்டி 2023.
பாடசாலை, பிரத்தியேக வகுப்புகள் என இடைவிடாது கற்றல் நடவடிக்கையில் ஈடுபட்டு கொண்டிருக்கும் மாணவர்களின் உளம்,உடல் ரீதியான ஆரோக்கியத்தினை கவனத்திற்கொண்டு இந்நிகழ்வு ஏற்பாடு செய்யப்பட்டுள்ளது.
மாணவர்களின் ஆளுமையை வளர்ப்பதற்கும் விளையாட்டு முக்கியம் வாய்ந்தது என கருதி இவ் விளையாட்டு போட்டி ஒழுங்கு செய்து நடாத்தப்பட்டுள்ளது. இதனை நடத்துவதற்ககு இருதயபுரம் திரு இருதயநாதர் ஆலயபங்குத்தந்தை அலெக்ஸ் ராபர்ட் அவர்களின் ஆசியுடனும் மறைக்கல்வி மாணவ பெற்றோர் சங்கம், பங்கில் இருக்கும் கத்தோலிக்க ஆசிரியர் சங்கம், பங்கின் கத்தோலிக்க இளைஞர் ஒன்றியத்தினர் மற்றும் ஈஸ்டன் ஸ்டார் விளையாட்டு கழக உறுப்பினர்களினதும் ஒத்துழைப்புடன் நடாத்தப்பட்டது.
இவ் விளையாட்டுப் போட்டிகள் ஈஸ்டன் ஸ்டார் மைதானத்தில் நேற்றும் (23.09)இன்றும்(24.09) இரண்டு நாட்கள் இடம்பெற்றமை குறிப்பிடத்தக்கது.
