பெண் ஒருவரை கொடூரமாக தாக்கியமைக்காக பொரளையில் உள்ள முன்னணி பல்பொருள் அங்காடி விற்பனை நிலையத்தின் பணியாளர்கள் ஐந்து பேரை பொலிஸார் கைது செய்துள்ளனர். பெண் ஒருவரை பல்பொருள் அங்காடி ஊழியர்கள் தாக்கும் காணொளி சமூக வலைதளத்தில் வெளியானது. இது தொடர்பில் பொலிஸார் விசாரணை களை நடத்தினர்.ஹன்வெல்ல பிரதேசத்தில் இந்த சம்பவம் இடம்பெற்றுள்ளன முதலில் தெரிவிக்கப்பட்டது. எனினும் பொரளையில் உள்ள விற்பனை நிலையமொன்றில் இந்த சம்பவம் இடம்பெற்றுள்ளதாக பின்னர் தெரியவந்துள்ளது.
விற்பனை நிலையத்திலிருந்து பல ஆண் மற்றும் பெண் ஊழியர்கள் வாடிக்கையாளரை கொடூரமாக தாக்குவது சி. சி. ரீ. வி. காட்சிகளில் பதிவாகியுள்ளது.இந்த சம்பவம் செப்ரெம்பர் 18 ஆம் திகதி நடந்ததாக கூறப்படுகிறது. இருப்பினும், சமூக ஊடகங்களில் காணொளி வைர லாகும் வரை எந்த புகாரும் பதிவு செய்யப்படவில்லை.
சம்பவம் தொடர்பில் பொரளை பொலிஸார் விசாரணைகளை மேற்கொண்டு வருகின்றனர். இதற்கு காரணமானவர்கள் மீது கடும் நடவடிக்கை எடுக் கப்படும் என பல்பொருள் அங்காடி நிர்வாகமும் முன்னதாக ஊடக அறிக்கை ஒன்றை வெளியிட்டது.
