அம்பிட்டிய சுமணரத்ன தேரர் ஒரு கள்ளன் இவ்வாறு மட்டக்களப்பு பாராளுமன்ற உறுப்பினர் இராசமாணிக்கம் சாணக்கியன் தெரிவித்துள்ளார்.
கடந்த சனிக்கிழமை 08 மட்டக்களப்பில் பயிர்செய்கை மேற்கொள்ளவதற்காக அனுமதி கேட்டு அம்பிட்டிய சுமணரத்ன தேரர், சிங்கள மக்களினால் மேற்கொள்ளப்பட்ட போராட்டத்தில் தேரரின் கருத்துக்கு பதிலடி கொடுக்கும் முகமாகவே மேற்கண்டவாறு தெரிவித்தார்.
இது குறித்து அவர் மேலும் தெரிவிக்கையில்,
அம்பிட்டிய சுமணரத்ன தேரர் உட்பட அவருடன் இணைந்து வருபவர்களும் அவரைப்போன்ற கள்வர்கள்தான்.இந்த ஆட்சியாளர்களுக்கு எதிராக மட்டக்களப்பில் புரட்சியேற்பட்டு விடும் என்ற பயத்திலே கிழக்கிலிருக்கும் அனைத்து பொலிஸ் நிலையங்களிலுமிருந்து வாகனங்களை எடுத்துவந்து மக்களை அச்சுறுத்தும் செயற்பாடுகளை முன்னெடுத்தனர்.அத்துடன் மயிலத்தமடு மாதவனை பண்ளையாளர்கள் போராடிவரும் நிலையில் அவர்களின் போராட்டத்தினை நிறுத்தும் வகையில் நீதிமன்ற தடையுத்தரவினை எடுத்து மிக கேவலமான செயற்பாடுகளை பொலிஸார் முன்னெடுத்திருந்தனர்.
இன்று நாங்கள் பிச்சையெடுத்து வாழும் நிலைக்கு இந்த அரசாங்கம் எங்களை தள்ளியுள்ளது.
இது வடகிழக்கு தமிழர்களின் நிலம் தொடர்பான பிரச்சினை.மயிலத்தமடு,மாதவனை பகுதியில் சிங்கள குடியேற்றங்களை செய்வதற்கான திட்டமிட்ட செயற்பாடுகள் முன்னெடுக்கப்படுகின்றன.இதற்கு பின்னால் அம்பிட்டிய சுமனரத்ன தேரர் போன்ற கள்வர்கள் உள்ளார்கள்- என்றார்.
