கொழும்பில் இன்று பிற்பகல் (27) மருத்துவ பீட மாணவர்கள் மேற்கொண்ட போராட்டத்தின் போது நீர்த்தாரை,கண்ணீர் புகை பிரயோகம் மேற்கொள்ளப்பட்டுள்ளதுடன், பல மாணவர்களை விரட்டி பிடித்து பொலிஸார்,இராணுவத்தினர் கைது செய்துள்ளனர்.
தனியார் நிறுவனங்களான லைசியம் வளாகம், NSBM பசுமைப் பல்கலைக்கழகம் போன்றவற்றுடன் சேர்ந்து, சதி செய்து நாட்டின் இலவசக் கல்வியை அழிக்க அரசாங்கம் முயற்சிப்பதாகக் குற்றஞ்சாட்டி, மருத்துவப்பீட மாணவர்களின் நடவடிக்கைக் குழு கொழும்பு விகாரமஹாதேவி பூங்காவுக்கு அருகில் வீதிகளை மறித்து போராட்டத்தில் ஈடுபட்டனர்.
இந்நிலையில் போராட்ட இடத்திற்குள் நுழைந்த இராணுவம், பொலிஸார் போராட்டத்தில் ஈடுப்பட்ட மாணவர்களையும், ஆர்ப்பாட்டத்தை ஏற்பாடு செய்த தலைவர்களையும் கைது செய்துள்ளதாக தெரிவிக்கப்படுகிறது.
