அகில இலங்கை பாடசாலைகளுக்கிடையிலான தேசிய மட்ட விளையாட்டுப் போட்டியில் மட்டக்களப்பு மாவட்டம்,பட்டிருப்பு கல்வி வலயத்திற்குட்பட்ட களுதாவளை தேசிய பாடசாலை மாணவன் கே.பகீர்ஜன் 14 வயதிற்குட்பட்ட ஆண்களுக்கான உயரம் பாய்தலில் 1.69 மீற்றர் பாய்ந்து சாதனையை ஏற்படுத்தியுள்ளதுடன் முதலிடம் பெற்று தங்கப் பதக்கத்தையும் சுவீகரித்துக் கொண்டார்.
கொழும்பு சுகதாச விளையாட்டரங்கில் இடம் பெற்ற நிகழ்வின் போதே இச் சாதனை நிலைநாட்டப்பட்டது. பாடசாலை அதிபர் கணபதிப்பிள்ளை சத்தியமோகன் உள்ளிட்ட கல்வி சமூகம் இம்மாணவனுக்கும் பயிற்சி வழங்கிய உடற்கல்வித் துறை ஆசிரியர்களுக்கும் வாழ்த்துக்களையும் பாராட்டுக்களையும் தெரிவித்துள்ளனர்.
