தேசிய கல்வி நிறுவகத்தால் நடாத்தப்படும் பட்ட மேல் படிப்பு கல்வி டிப்ளோமா கற்கையை நிறைவு செய்த 2021/ 2022 கல்வி ஆண்டு போதனையில் அதி விசேட சித்தி பெற்ற ஆசிரிய மாணவர்களை கௌரவிக்கும் விசேட நிகழ்வு மட்டக்களப்பு மெதடிஸ்த மத்திய கல்லூரி கூட்ட மண்டபத்தில் நடைபெற்றது.
மட்டக்களப்பு பிராந்திய போதனை நிலையத்தினால் நடத்தப்பட்ட இந்த விசேட நிகழ்வு பிராந்திய இணைப்பாளரும் அட்டாளைச்சேனை தேசிய கல்வியல் கல்லூரி பீடாதிபதியுமான சட்டத்தரணி கி.புண்ணிய மூர்த்தி தலைமையில் இடம்பெற்றது.
இதில் பிரதம அதிதியாக கிழக்கு மாகாண கல்வி பணிப்பாளர் திருமதி சுஜாதா குலேந்திகுமார் கலந்து சிறப்பித்தார்.
இந்நிகழ்வில் பட்ட மேல் கல்வி டிப்ளோமா கற்கை நெறியின் 2022/ 2023 ஆண்டுக்கான ஆசிரிய மாணவர்களால் இந்நிகழ்வு ஏற்பாடு செய்யப்பட்டிருந்ததுடன்,குறித்த கல்வி போதனையின் விரிவுரையாளர்களுக்கு விசேட சிறப்பு பரிசில்களும் வழங்கி கௌரவிக்கப்பட்டது.
