யாழ்ப்பாணத்தில் இருந்து படகு மூலம் தமிழகத்துக்குள் ஊடுருவி, தாக்குதல் நடத்த பயங்கரவாத அமைப்புகள் திட்டமிட்டுள்ளதாக தெரிவிக்கப்பட்டுள்ளது. கேரளாவிலும் தாக்குதல் நடத்த உள்ளனர் எனவும்
இதற்காக இரு மாநிலங்களிலும் ஆட்களை நியமித்துள்ளனர் எனவும் அறிவிக்கப்பட்டுள்ளதோடு இந்த பயங்கரவாத சக்திகளின் சதித்திட்டங்களை முறியடிக்க, கோவையில் தேசிய புலனாய்வு முகமை (என். ஐ. ஏ.) கிளை பணிமனையை ஆரம்பிக முடிவு செய்யப்பட்டுள்ளதாக தகவல்கள் வெளியாகியுள்ளது.
இலங்கையில் கடந்த பெப்ரவரி 2ஆம் தேதி சட்ட விரோத செயலில் ஈடுபட்ட, பாகிஸ்தானைச் சேர்ந்த மூன்று பேர் கைது செய்யப்பட்டனர். அவர்களிடம் நடத்தப்பட்ட விசாரணையில் மூவரும் தமிழகம் மற்றும் கேரளாவில் தாக்குதல் நடத்த சதித் திட்டம் தீட்டி இருந்தது தெரியவந்தது. சமீபத்தில், மஹா ராஷ்டிரா மாநில உளவுப்பிரிவு பொலிஸார் பயங்கரவாதிகள் ஊடுருவல் குறித்து ஆய்வு ஒன்றை மேற்கொண்டனர்.
இதில், பாகிஸ்தானின், லஷ்கர் – இ – தொய்பா எனும் பயங்கரவாத அமைப்பு தென் மாநிலங்களில் தாக்குதல் நடத்த, மூளைச்சலவை செய்யப்பட்ட இளைஞர்களுக்கு பயிற்சி அளிக் கப்பட்டு வருவது தெரியவந்தது.
இதனிடையே, யாழ்ப்பாணம் பகுதியில் இருந்து படகு மூலம் தமிழகத்துக்குள் ஊடுருவி தாக்குதல் நடத்த பயங்கரவாத அமைப்புகள் திட்டமிட்டுள்ளன.
கேரளாவிலும் தாக்குதல் நடத்த உள்ளனர்.இதற்காக, இரு மாநிலங்களிலும், ஆட்களை நியமித்துள்ளனர். இவர்கள் முஸ்லிம் இளைஞர்களை மூளைச்சலவை செய்துவருவதும் தெரியவந்தது.இதையடுத்தே, தென் மாநிலங்களை குறிவைத்து தேசிய புலனாய்வு முகமை பணிமனை ஒன்றை அமைக்க நடவடிக்கை எடுக்கப்பட்டுள்ளது.
