மண்டூர் கண்ணன் வித்தியாலயத்திற்கு பெருமை சேர்த்துக் கொடுத்த மாணவி!

மட்டக்களப்பு மண்டூர் கண்ணன் வித்தியாலயத்தில் ஐந்தாம் தரப் புலமைப் பரீட்சையில் 5 மாணவர்கள் தோற்றிய போது கோபலசிங்கம் திவானி 159 புள்ளிகளைப் பெற்று முதல் தடவையாக பாடசாலையில் சாதனை படைத்துள்ளதாக பாடசாலை அதிபர் தெரிவித்துள்ளார்.
அவர் மேலும் கருத்து தெரிவிக்கையில்,

இப்பாடசாலையில் பல தடவைகள் யுத்தத்தினால் பாதிக்கப்பட்டு கட்டிடங்கள் முற்றாக சேதமாக்கப்பட்ட போதிலும் பாடசாலை மாணவர்கள் கல்வியை மேற்கொள்வதற்காக கட்டிட வசதிகள் இல்லாமல் பல வருடங்களாக கல்வியை மேற்கொண்டு வந்துள்ளனர்.

இவ்வாறான சூழ்நிலையிலும் திவானி உட்பட இப்பாடசாலையிலே ஜெகநாதன் -திரிஸ்கா 127 புள்ளிகளையும், யோகராஜா-தனுசிகா-101புள்ளிகளையும், மற்றும் சுரேஸ்குமார்- சினேகா-69 புள்ளிகளையும் பெற்றுள்ளமையும் குறிப்பிடப்பட்டுள்ளது.

இந்த பாடசாலை மாணவர்களை அடைவு மட்டத்திற்கு மேல் புள்ளிகளைப் பெற்று பாடசாலைக்கும் கிராமத்துக்கும் கற்பித்த அதிபர் மற்றும் ஆசிரியர்களுக்கும், மாணவர்களுக்கு உதவி செய்த கைகொடுக்கும் அமைப்புக்கும் நட் பெயரினை பெற்றுத்தந்தமைக்கு கிராமத்து பொதுமக்கள் நன்றியைத் தெரிவித்துக் கொள்கின்றனர்-என்றார்.