இலங்கைக்கு வருகை தருகின்ற வெளிநாட்டவர்களுக்கான விசா விண்ணப்பங்களை இணையவழி மூலமாக விண்ணப்பிப்பதற்காக அதிகாரமளிக்கப்பட்ட முகவர் ஒருவரை நியமிக்க அரசாங்கம் தீர்மானித்துள்ளது.
இலங்கைக்கு வருகை தருகின்ற வெளிநாட்டவர்களுக்கான விசா விண்ணப்பங்களை இணையவழி மூலமாக
விண்ணப்பிப்பதற்காக அதிகாரம் அளிக்கப்பட்ட முகவராக கடமையாற்றுவதற்கு ஜி.பி.எஸ். தொழில்நுட்ப சேவை மற்றும் ஐ.வி.எஸ். க்ளோபல், வி.எப்.எஸ். உள்ளிட்ட நிறுவனங்களால் சமர்ப்பிக்கப்பட்டுள்ள முன்மொழிவை மதிப்பீடு செய்வதற்காக மதிப்பீட்டு குழுவொன்று 2023.09.11 அன்று இடம்பெற்ற அமைச்சரவைக் கூட்டத்தில் தீர்மானிக்கப்பட்டது.
அதற்கமைய நியமிக்கப்பட்டுள்ள மதிப்பீட்டுக் குழுவால் சமர்ப்பிக்கப்பட்டுள்ள அறிக்கையின் பரிந்துரைகளுக்கமைய நடவடிக்கைகளை மேற்கொள்வதற்கும், சட்டமா அதிபரின் அவதானிப்புகளுக்கமைய வரைவாக்கம் செய்யப்பட்டுள்ள இந்த ஒப்பந்தத்தில் கையொப்பமிடுவதற்கும் பொதுமக்கள் பாதுகாப்பு அமைச்சர் சமர்ப்பித்த யோசனைக்கு அமைச்சரவை அங்கீகாரம் வழங்கியுள்ளது.
