தேசிய கண் வைத்தியசாலையின் வேலை நிறுத்தம் கைவிடப்பட்டது!

கொழும்பு தேசிய கண் வைத்தியசாலையில் இன்று (14) காலை 8.00 மணிக்கு ஆரம்பமாகவுள்ளதாக அறிவிக்கப்பட்டிருந்த ஒருநாள் அடையாள வேலைநிறுத்தப் போராட்டம் கைவிடப்பட்டுள்ளதாக தெரிவிக்கப்படுகின்றது.

சுகாதார அமைச்சின் செயலாளருடனான கலந்துரையாடலின் பின்னர் அடையாள வேலைநிறுத்த போராட்டம் முடிவுக்கு கொண்டுவரப்பட்டதாக அரச வைத்திய அதிகாரிகள் சங்கம் அறிவித்துள்ளது.

கண் வைத்தியசாலையின் பிரதம நிருவாகியின் முறைகேடுகள் தொடர்பில் அதிகாரிகள் நடவடிக்கை எடுக்காமைக்கு எதிராக இந்த பணிப்புறக்கணிப்பு முன்னெடுக்க திட்டமிடப்பட்டிருந்ததாக அந்த சங்கம் முன்னதாக குறிப்பிட்டிருந்தது.