முன்னாள் ஜனாதிபதி மைத்திரிபால சிறிசேன தற்போது விவசாய நடவடிக்கைகளில் அதிக கவனம் செலுத்தி வருவதாகத் தெரிவித்துள்ளார்.
கொழும்பில் நடைபெற்ற நிகழ்வொன்றின் பின்னர் ஊடகங்களுக்குக் கருத்துத் தெரிவிக்கும்போதே அவர் இதனைக் குறிப்பிட்டுள்ளார்.
தற்போது தனது பெரும்பாலான நேரத்தைப் புத்தகங்கள் வாசிப்பதில் செலவிட்டு வருவதாகவும், முக்கியமான மத நிகழ்வுகள், திருமணங்கள் மற்றும் ஏனைய விசேட நிகழ்ச்சிகளுக்கான அழைப்புகளை ஏற்று அவற்றில் கலந்துகொள்வதாகவும் அவர் தெரிவித்துள்ளார்.
மேலும், பல முன்னாள் ஜனாதிபதிகள் அரசியலில் இருந்து விலகி விவசாயத்தில் ஈடுபடுவதாகக் கூறிவரும் நிலையில், தான் உண்மையிலேயே விவசாய நடவடிக்கைகளில் ஈடுபட்டு வருவதாகவும் மைத்திரிபால சிறிசேன குறிப்பிட்டுள்ளார்.
பொலன்னறுவையில் தனக்குச் சொந்தமான மாந்தோட்டம் ஒன்றும் வயல் நிலமும் இருப்பதாகத் தெரிவித்த அவர், அவற்றின் ஊடாக விவசாய நடவடிக்கைகளை முன்னெடுத்து வருவதாகவும் சுட்டிக்காட்டியுள்ளார்.
