மட்டக்களப்பு மாமாங்கேஸ்வரர் ஆலயத்தில் கஜமுகா சூரன் வதம்!

கிழக்கு இலங்கையின் வரலாற்றுப் பிரசித்திபெற்ற ஆலயங்களில் ஒன்றான மட்டக்களப்பு மாமாங்கேஸ்வரர் ஆலயத்தில், கஜமுகா சூரன் வதம் நேற்று இடம்பெற்றது. பிள்ளையார் கதை விரதம் 21 நாட்கள் அனுஸ்டிக்கப்படுகின்றது. நேற்று காலை மஹா கணபதி ஹோமம் நடைபெற்று மாலை மாமாங்கேஸ்வரருக்கு சிறப்பு பூஜைகளும் வசந்த மண்ட பூஜையும் நடைபெற்றது. அதனை தொடர்ந்து சுவாமி வெளிவீதிக்கு ஊர்வலமாக கொண்டுவரப்பட்டு அங்கு கஜமுகா சூரன் சம்ஹார நிகழ்வு பக்தி பூர்வமாக நடைபெற்றது.
கஜமுகா சம்ஹார சூரன் விநாயகப்பெருமானால் வதம் செய்யப்பட்டதன் பின்னர் விநாயகப்பெருமான் மூஷிக வாகனத்தில் எழுந்தருளி பக்தர்களுக்கு அருள்பாலித்தார். அதனை தொடர்ந்து ஆலயத்தின் விநாயகப்பெருமானுக்கு விசேட அபிசேக அலங்கார பூஜைகள் நடைபெற்றன.