இலங்கை பொலிஸ் திணைக்களத்திற்கான ஆட்சேர்ப்பு நடவடிக்கைகள் இன்று மட்டக்களப்பு கல்லடி பொலிஸ் கல்லூரியில் நடைபெற்றது. இலங்கை பொலிஸ் ஆட்சேர்ப்பு திணைக்களத்தின் ஊடாக விண்ணப்பங்கள் கோரப்பட்டு ஆட்சேர்ப்பு நடவடிக்கைகள் இடம்பெற்று வருகின்றன.
பொலிஸ் சேவைக்கு வடக்கு, கிழக்கு மற்றும் மலையக பகுதிகளில் இருந்து தமிழ் மொழி மூலமான பொலிஸ் சேவைக்கு விண்ணப்பித்த 122 பேருக்கான ஆட்சேர்ப்பு நடவடிக்கை இன்று இடம்பெற்றது. மட்டக்களப்பு கல்லடி பொலிஸ் கல்லூரி பொறுப்பதிகாரி சிவநாதன் ஒழுங்கமைப்பில், பொலிஸ் கல்லூரி உதவி பணிப்பாளர் பொலிஸ் அத்தியட்சகர் ருவான் குமாரசிங்க தலைமையில் இந் நடவடிக்கைகள் இடம்பெற்றன. இன்று ஆட்சேர்ப்பு செய்யப்பட்டவர்களுக்கான பயிற்சிகள் மட்டக்களப்பு கல்லடி பொலிஸ் கல்லூரியில் வழங்கப்படவுள்ளது.
