க.பொ.த.உயர்தரப்பரீட்சை நேற்றையதினம் நாடளாவிய ரீதியில் ஆரம்பிக்கப்பட்டுள்ளது. இந் நிலையில் மட்டக்களப்பு மாவட்டத்தின் ஐந்து கல்வி வலயங்களிலும் நேற்றைய தினம் உயர்தரப்பரீட்சைகள் ஆரம்பமானது.
சீரற்ற காலநிலையினால் பாதிக்கப்பட்டு இயல்புநிலைக்கு மட்டக்களப்பு மாவட்டம் திரும்பிவரும் நிலையில் நேற்றையதினம் உற்சாகத்துடன் மாணவர்கள் பரீட்சைக்கு தோன்றியதை காணமுடிந்தது.
மட்டக்களப்பு மாவட்டத்தின் பட்டிருப்பு,மட்டக்களப்பு, மட்டக்களப்பு மேற்கு,மட்டக்களப்பு மத்தி,கல்குடா ஆகிய கல்வி வலயங்களில் இன்றைய தினம் பரீட்சைகள் ஆரம்பமானது. மட்டக்களப்பு மேற்கு கல்வி வலயம் மற்றும் கல்குடா வலயங்களில் போக்குவரத்து பாதிப்பான பகுதிகளுக்கு விசேட போக்குவரத்துகள் முன்னெடுக்கப்பட்டுள்ளன.
சீரற்ற காலநிலை காரணமாக பாதிக்கப்பட்ட பகுதி மாணவர்கள் பரீட்சை நிலையங்களுக்கு செல்வதற்கான ஏற்பாடுகள் முன்னெடுக்கப்பட்டுள்ளதாக இராஜாங்க அமைச்சர் சதாசிவம் வியாழேந்திரன் தெரிவித்தார்.
போக்குவரத்து பாதிக்கப்பட்ட பகுதிகளில் உள்ள மாணவர்கள் பரீட்சை நிலையங்களுக்கு செல்வதற்கான ஏற்பாடுகளும் முன்னெடுக்கப்பட்டுள்ளதாகவும் அவர் தெரிவித்தார்.
