மட்டக்களப்பு சத்துருக்கொண்டானிலிருந்து கொக்குவில் இருதயபுரம் வீதி ஊடக பயணிக்கும் பேருந்தானது (சத்துருக்கொண்டான் பஸ்) தற்சமயம் இருதயபுரம் கிழக்கிலுள்ள வீதியில் புதையுண்டுள்ளது. இவ் அனர்த்தத்திற்கு வடிகான் சீரமைக்கப்படாததே காரணம் என பிரதேச மக்களும் குறித்த பேருந்தில் பயணித்தவர்களும் தெரிவித்துள்ளனர்.
மேலும் இருதயபுரம் கிழக்கு கிராமசேவக பிரிவில் முறையாக வடிகான் சீரமைக்கப்படாததன் காரணமாக அப்பிரதேச மக்கள் பல்வேறு சிரமங்களை இன்றுவரை எதிர்கொள்கின்றனர். இந்நிலை தொடர்பில் உரிய அதிகாரிகளுக்கு தெரியப்படுத்தி நடவடிக்கை எடுக்கும்படி கோரிக்கைகளை முன்வைத்த போதிலும் இதுவரையில் எந்த நடவடிக்கையும் எடுக்கவில்லை என பிரதேசமக்கள் கவலை தெரிவிக்கின்றனர்.
