பாகிஸ்தான் மற்றும் நியூசிலாந்து அணிகளுக்கிடையில் நடைபெறும் 5 போட்டிகள் கொண்ட டி.20 தொடரின் 04 ஆவது போட்டி நேற்று நியூசிலாந்தின் கிறைஸ்சேர்ச் மைதானத்தில் நடைபெற்றது.
இந்த போட்டியில் முதலில் துடுப்பெடுத்தாடிய பாகிஸ்தான் அணி 20 ஓவர்கள் நிறைவில் 5 விக்கட்டுக்ககளை இழந்து 158 ஓட்டங்களை மட்டுமே பெற்றுக்கொண்டது. அணி சார்பில் முஹம்மது ரிஸ்வான் 90 ஓட்டங்களை ஆட்டமிழக்காமல் பெற்றுக்கொண்டார்.
பதிலுக்குத் துடுப்பெடுத்தாடிய நியூசிலாந்து அணி 03 விக்கட்டுக்களை மட்டும் இழந்து வெற்றி இலக்கை அடைந்தது. அவ்வணிக்காக டார்லி மிச்சல் 72 ஓட்டங்களையும் கிளென் பிலிப்ஸ் 70 ஓட்டங்களையும் பெற்றுக்கொண்டனர்.
இதனால் போட்டித்தொடரில் நியூசிலாந்து அணி 4-0 என்ற கணக்கில் முன்னிலையில் உள்ளது. பாகிஸ்தானின் தொடர் தோல்விகள் பாகிஸ்தான் ரசிகர்கள் மத்தியில் பெரும் அதிருப்தியை ஏற்படுத்தியுள்ளது.
