40 வெளிநாட்டு மதுபான போத்தல்களை கடத்தி சென்ற நபர் ஒருவர் கல்கிசை பொலிஸாரால் கைது செய்யப்பட்டுள்ளார் .
சொகுசு காரில் இந்த மதுபான போத்தல்களை கொண்டு சென்ற போதே இவர் கைது செய்யப்பட்டதாக பொலிஸார் தெரிவித்தனர்.
கைதானவர் கல்கிஸ வலவ்வத்தை பகுதியைச் சேர்ந்த 27 வயதுடையவராவார் .
இவர் வாட்சப் மூலம் வாடிக்கையாளர்களுக்கு மதுபானம் விற்பனை செய்து வந்ததாகவும், வரி செலுத்தாமல் இரகசியமான முறையில் இந்த வெளிநாட்டு மதுபானத்தை வைத்திருந்ததாகவும் பொலிஸாரின் விசாரணைகளில் தெரியவந்தள்ளது.
மேலதிக விசாரணைகளுக்காக கைதானவர் வெளிநாட்டு மதுபானங்களுடன் இலங்கை சுங்க அதிகாரிகளிடம் ஒப்படைக்கப்பட்டதாக பொலிஸார் மேலும் தெரிவித்தனர்.
