இலங்கை அதிபர் சேவையின் மூன்றாம் தரத்திற்கு தெரிவானவர்களுக்கு, மட்டக்களப்பு மத்தி கல்வி வலயத்தின் ஊடாக, அதிபர் மற்றும் உப அதிபர் நியமனங்கள் வழங்கப்பட்டன.
மட்டக்களப்பு மத்தி கல்விப் பணிப்பாளர் எஸ்.எம்.எம்.அமீர் தலைமையில் நடைபெற்ற நிகழ்வில், காத்தான்குடி, கோறளைப்பற்று மேற்கு மற்றும் ஏறாவூர் பிரதேசங்களைச் சேர்ந்த 21 பாடசாலைக்கே புதிய அதிபர் மற்றும் பிரதியதிபர்கள் நியமிக்கப்பட்டனர்.
மட்டக்களப்பு மத்தி வலயக் கல்விப் பணிமனையின் கல்வி அபிவிருத்திக்கான பிரதிக் கல்விப்பணிப்பாளர் எம்.எச்.எம்.றமீஸ் உள்ளிட்ட அதிகாரிகள் நியமனம் வழங்கும் நிகழ்வில் கலந்துகொண்டனர்.
