வரி செலுத்துவோரை அடையாளம் காண உள்நாட்டு வருவாய் துறை வழங்கிய டின் எண் தொடர்பில் வங்கிச் சேவைகளுக்காக என வங்கி அதிகாரிகள் போன்று அதிநவீன முறையில் மக்களை ஏமாற்றி தனியார் வங்கிக் கணக்குகளில் பணத்தை மோசடி செய்யும் ஹேக்கர் கும்பல் தொடர்பில் தகவல் வெளியாகியுள்ளதாக குருநாகல் மாவட்டத்திற்குப் பொறுப்பான பிரதிப் பொலிஸ் மா அதிபர் அலுவலகம் தெரிவித்துள்ளது.
மோசடி கும்பலிடம் இலட்சக்கணக்கான ரூபாய் பணத்தை இழந்தவர்கள் குறித்த தகவல் கிடைத்துள்ளதாகவும் பிரதிப் பொலிஸ் மா அதிபர் அலுவலகம் தெரிவிக்கிறது.
அரச வங்கியின் பணியாளர்கள் என அழைக்கும் கடத்தல்காரர்கள், டின் எண்ணுடன் வங்கியில் கணக்கை எவ்வாறு பராமரிப்பது என்று தெரிவிக்கிறார்கள், பின்னர் கணக்கை அமைக்க வேண்டிய வங்கி வாடிக்கையாளரின் பணப் பரிமாற்றக் குறியீட்டை (OTP) கேட்கிறார்கள்.
ஒரு மோசடி நபரிடம் சிக்கியது தெரியாமல், மேலும் விசாரிக்காமல் சிலர் இந்த இரகசிய எண்ணை அவர்களிடம் கொடுத்துள்ளனர்.
இரகசிய இலக்கத்தை பெற்றுக்கொள்ளும் மோசடி கும்பல், தாம் தொடர்பு கொண்ட நபரின் வங்கிக் கணக்கிற்குள் நுழைந்து இலட்சக்கணக்கில் பணத்தை எடுத்துச் செல்வதாக தகவல் வெளியாகியுள்ளதாகவும் குருநாகல் மாவட்ட பிரதி பொலிஸ் மா அதிபர் சுஜித் வெதமுல்ல தெரிவித்துள்ளார்.
இவ்வாறு வாடிக்கையாளர்களை ஏமாற்றும் இந்த மோசடி கும்பல் நேற்று (07) குருநாகல் நகரிலுள்ள பிரதான கல்வி நிறுவனமொன்றில் கடமையாற்றும் தேரர் ஒருவரின் கணக்கில் இருந்து 208,000 ரூபாவை கொள்ளையடித்துள்ளனர். பின்னர் குறித்த தேரர் குருநாகல் பொலிஸ் நிலையத்தில் முறைப்பாடு செய்துள்ளார்.
கடந்த வாரம் வேறொருவரின் கணக்கில் இருந்து 10 இலட்சம் ரூபா பணம் மோசடியாக எடுக்கப்பட்டுள்ளதாக அரச வங்கி ஒன்றின் உள் வட்டாரங்கள் தெரிவிக்கின்றன.
இவ்வாறு தொலைபேசியில் அழைத்து தனிப்பட்ட தகவல்களைக் கேட்கும் மோசடியாளர்களிடம் சிக்க வேண்டாம் என மக்களுக்குத் தெரிவிக்கும் பிரதிப் பொலிஸ் மா அதிபர், இது தொடர்பில் குருநாகல் மாவட்டத்தில் உள்ள அனைத்து பொலிஸ் நிலையங்கள் ஊடாக மக்களுக்குத் தெரியப்படுத்த நடவடிக்கை எடுக்கப்படும் என்றார்.
இதேவேளை, மக்கள் வங்கியினால் ஏற்பாடு செய்யப்பட்ட மோசடிக் குழுவொன்று கணக்கு வைத்திருப்பவர்களின் இரகசியத் தகவல்களைப் பெற்றுக்கொள்ள முயற்சிப்பதாகத் தெரிவிக்கப்பட்டுள்ளதாக மக்கள் வங்கி விசேட அறிவித்தல் ஒன்றை விடுத்துள்ளது.
வங்கிக் கணக்குகளைத் திறப்பதற்கோ அல்லது வங்கிச் செயற்பாடுகளை மேற்கொள்வதற்கோ வங்கியின் சார்பில் மூன்றாம் தரப்பினரை ஒருபோதும் மக்கள் வங்கி பயன்படுத்தாது என்றும் அந்த அறிவிப்பில் தெரிவிக்கப்பட்டுள்ளது.
கணக்கு எண்கள், தேசிய அடையாள எண்கள், கடவுச்சொற்கள், பயனர் பெயர்கள் மற்றும் OTP இலக்கங்கள் போன்ற தனிப்பட்ட தகவல்களை எந்தவொரு மூன்றாம் தரப்பினருக்கும் வெளியிட வேண்டாம் என்றும் மக்கள் வங்கி பொதுமக்களுக்கு அறிவுறுத்துகிறது.
