இந்தியா,புதுச்சேரியில் பஞ்சு மிட்டாய் விற்க தடை விதிக்கப்பட்டுள்ளதாக அந்நாட்டு உணவு பாதுகாப்புத் துறை அதிகாரி ரவிச்சந்திரன் அறிவித்துள்ளார்.
புதுச்சேரியில் பஞ்சு மிட்டாயில் புற்றுநோயை உருவாக்கும் இரசாயனத்தை கலந்ததை அதிகாரிகள் கண்டுபிடித்தனர். பஞ்சு மிட்டாயில் புற்றுநோயை உருவாக்கும் இரசாயனம் கலக்கப்படுவதை அதிகாரிகள் கண்டுபிடித்த நிலையில் அதனை விற்க தடை விதிக்கப்பட்டுள்ளது.
அதற்கமைய, RHODAMINE-B எனப்படும் நிறமூட்டியை பயன்படுத்தி தயாரிக்கப்படும் பஞ்சு மிட்டாயை உண்பதால் புற்றுநோய் ஏற்படும் அபாயம் காணப்படுவதாக உணவு பாதுகாப்பு அதிகாரிகள் எச்சரிக்கை விடுத்துள்ளனர்.
குறித்த நிறமூட்டியானது , பத்தி மற்றும் தீக்குச்சிகளுக்கு நிறமூட்ட பயன்படுத்தப்படுவது என கூறப்பட்டுள்ளது.
குழந்தைகளை கவரும் வகையில் ரோஸ் நிறத்தில் விற்பனை செய்யப்படுகின்ற பஞ்சு மிட்டாய் குறித்து பொதுமக்களால் பொலிஸாருக்கு வழங்கப்பட்ட முறைப்பாடுகளை தொடர்ந்து , அதனை அதிகளவில் விற்பனை செய்கின்ற வடமாநில இளைஞர்கள் கைது செய்யப்பட்டுள்ளனர்.
மேலும் , அதனை குழந்தைகளுக்கு வழங்க வேண்டாம் என்றும் , விற்பனையை தடை செய்யுமாறும் புதுச்சேரி துணை நிலை ஆளுநர் தமிழிசை சௌந்தராஜன் வலியுறுத்தியுள்ளார்.
