மகொன பிரதேசத்தில் ஒருவர் ரயிலுடன் மோதுண்டமையினால் கரையோர ரயில் பாதை சேவைகளில் தாமதம் ஏற்பட்டுள்ளதாக களுத்துறை ரயில்வே அதிகாரி ஒருவர் தெரிவித்தார்.
இதன் காரணமாக, ருஹுணு குமாரி மற்றும் காலிகுமாரி கடுகதி ரயில்கள் முறையே 35 மற்றும் 30 நிமிடங்கள் தாமதமாக இயக்கப்பட்டன.
காலியிலிருந்து கல்கிஸை நோக்கி பயணித்த ரயிலால் மோதப்பட்டே குறித்த நபர் உயிரிழந்திருக்கலாம் என சந்தேகிக்கப்படுவதாக ரயில்வே வட்டாரங்கள் தெரிவிக்கின்றன.
உயிரிழந்த நபரின் அடையாளம் இதுவரை உறுதிப்படுத்தப்படாத நிலையில், சடலம் பயாகல ரயில் நிலையத்தில் ஒப்படைக்கப்பட்டுள்ளதுடன், மேலதிக விசாரணைகளை பயாகல பொலிஸார் மேற்கொண்டு வருகின்றனர்.
