அம்பாறை உதேனிய ரணவிரு மாவத்தைக்கு அருகில் பாடசாலை மாணவர்களை ஏற்றிச் சென்ற வேன் ஒன்று கால்வாயில் கவிழ்ந்து விபத்துக்குள்ளாகியுள்ளது.
இன்று (26) இடம்பெற்ற இந்த விபத்தின் போது வேனில் ஏறக்குறைய 30 சிறுவர்கள் இருந்ததாகவும், குறித்த விபத்தின் போது உயிராபத்துக்கள் எதுவும் ஏற்படவில்லை என்றாலும் சில மாணவர்கள் காயமடைந்துள்ளதாகவும் தெரிவிக்கப்படுகிறது.
சம்பவத்தில் காயமடைந்த பாடசாலை மாணவர்கள் சிகிச்சைக்காக வைத்தியசாலையில் அனுமதிக்கப்பட்டுள்ளதுடன், ஏனைய மாணவர்களை அவர்களின் பெற்றோர்கள்,பாதுகாவலர்கள் மற்றும் உறவினர்கள் அழைத்து சென்றுள்ளனர்.
