ஜெர்மனியில் குழந்தை உட்பட நான்குபேரை துப்பாக்கியால் சுட்டுக்கொன்ற இராணுவ வீரர் ஒருவர் பொலிஸாரிடம் சரணடைந்துள்ளார்.
ஜெர்மனியின் Lower Saxony மாகாணத்திலுள்ள Wester vesede மற்றும் Bothel என்னும் இடங்களில் அமைந்துள்ள இரண்டு வீடுகளிலேயே இந்த சம்பவம் இடம்பெற்றுள்ளது.
குறித்த இரண்டு வீடுகளிலும் ஒரு குழந்தை உட்பட நான்குபேரின் உயிரற்ற உடல்கள் பொலிஸாரினால் மீட்கப்பட்டுள்ளது. இவர்கள் சம்பவ தினத்திற்கு முதல் நாள் கொல்லப்பட்டுள்ளதாக தெரிவிக்கப்படுகிறது.
இந்நிலையில், இந்த சம்பவம் தொடர்பாக, இராணுவ வீரர் ஒருவர் பொலிஸில் சரணடைந்துள்ளார் எனவும், அவரைக் கைது செய்துள்ள பொலிசார் அவரிடம் மேலதிக விசாரணைகளை மேற்கொண்டுள்ளனர்.
அதேசமயம் இந்த கொலைகளுக்கான காரணம் தெரியவில்லை என்றாலும், அது குடும்பத் தகராறாக இருக்கலாம் என தாங்கள் கருதுவதாக பொலிஸார் தெரிவிக்கின்றனர்.
