கணவனின் கழுத்தை அறுத்து கொலை செய்த மனைவி!

வாக்குவாதத்தை தொடர்ந்து, கணவனின் கழுத்தை அறுத்து கொலை செய்த மனைவியை கைது செய்துள்ளதாக கரந்தெனிய பொலிஸார் தெரிவிக்கின்றனர்.

கரந்தெனிய பொலிஸ் பிரிவுக்குட்பட்ட குருபாபில பிரதேசத்தில் நேற்று (02) இக்கொலை இடம்பெற்றுள்ளதாக தெரிவிக்கப்படுகிறது.

நுவன் குமார என்ற 42 வயதுடைய இரண்டு பிள்ளைகளின் தந்தையே இவ்வாறு படுகொலை செய்யப்பட்டுள்ளார். மனைவி கணவரின் கழுத்து பகுதியில் கத்தியால் தாக்கியதாகவும், கத்தியால் தாக்கப்பட்ட நபர் வீட்டை விட்டு வெளியே வந்து வீட்டின் அருகே விழுந்து உயிரிழந்துள்ளதாகவும் பொலிஸார் தெரிவித்தனர்.

தாக்குதலுக்கு பயன்படுத்திய ஆயுதத்துடன் மனைவி பொலிஸாரால் கைது செய்யப்பட்டுள்ளார்.

தம்பதியினருக்கு இடையில் அடிக்கடி ஏற்பட்ட தகராறு தொடர்பில் கரந்தெனிய பொலிஸாருக்கும் பல சந்தர்ப்பங்களில் முறைப்பாடுகள் கிடைத்துள்ளதாக பொலிஸார் தெரிவித்தனர்.