நுவரெலியா, ராகலை, டெல்மார் தோட்டத்தின் மேல் பகுதியிலுள்ள சிறிய நீர்த்தேக்கமொன்றிலிருந்து யுவதி ஒருவரின் சடலம் மீட்கப்பட்டுள்ளதாக ராகலை பொலிஸார் தெரிவித்தனர்.
உயிரிழந்தவர் நானுஓயா பிரதேசத்தைச் சேர்ந்த 18 வயது யுவதியாவார்.
இவர் நேற்று புதன்கிழமை (3) தனது குடும்பத்தினரிடம் தெரிவிக்காமல் வீட்டிலிருந்து வெளியே சென்றுள்ள நிலையில் இந்த யுவதியின் குடும்பத்தினர் இவரைத் தேடும் பணியில் ஈடுபட்டுள்ளனர்.
இதன்போது, இந்த யுவதி சிறிய நீர்த்தேக்கமொன்றிலிருந்து சடலமாக மீட்கப்பட்டுள்ளதாக பொலிஸார் தெரிவித்தனர்.
உயிரிழந்த யுவதியின் சடலம் நுவரெலியா வைத்தியசாலையில் வைக்கப்பட்டுள்ளதாக ராகலை பொலிஸார் தெரிவித்தனர்.
