ஓமான் நாட்டுக்கு பணிப் பெண்களாக வேலைக்கு அழைத்துச் செல்லப்பட்டு பல் வேறு சித்திரவதைக்கு உள்ளாகி இலங்கை தூதரகத்தில் தஞ்சமடைந்து 9 மாதங்களாக தடுத்து வைக்கப்பட்டுள்ள 74 பணிப் பெண்கள் தங்களை நாட்டுக்கு அனுப்புமாறு உருக்கமாக கோரிக்கை விடுத்து காணொலி வெளியிட்டுள் ளனர். நாட்டிலுள்ள முகவர்கள் ஊடாக ஓமான் நாட் டுக்கு பணிப் பெண்களாக சென்றபணிப் பெண்கள் வீட்டின் உரிமையாளர்களால் அடித்தல், நெருப்பால் சூடு வைத்தல் மற்றும் சம்பளம் வழங்காமை.
போன்ற பல்வேறு சித்திரவதை காரணமாக அங்கிருந்து வெளியேறி இலங்கை தூதரகத்தில் தஞ்சமடைந்துள்ளனர். இவ்வாறு தூதரகத்தில் தஞ்சமடைந்துள்ளவர்கள் பாதுகாப்பான இடத்தில் தங்கவைக்கப்பட்டுள்ளனர். அத்துடன், அவர்களின் கைபேசிகள் பறிமுதல் செய்யப்பட்டு உறவினர்களுடன்கூட
தொடர்பு கொள்ள முடியாதளவுக்கு அடைத்து வைக்கப்பட்டுள்ளனர். இங்கு திருமணம் கடந்த உறவின் மூலம் கருவுற்றவர்களை உடனடியாக நாட்டுக்கு அனுப்புகின்றனர். ஆனால், ஆரோக்கியமாக உள்ளவர்கள் எவரையும் நாட்டுக்கு அனுப்பாது 9 மாதங்கள்வரை தடுத்து வைத்துள்ளதுடன் பலர் பல நோய்களால் பல்வேறு அசௌகரியங்களை எதிர்நோக்கி வருவதுடன் சிறையில் அடைக்கப்பட்டவர்கள்போல எங்களை நடத்துகின்றனர்.
இங்கு நடக்கும் அட்டூழியங்கள் எதுவும் வெளியே தெரிவிக்க முடியாத நிலையிலுள்ளதுடன் இங்கிருந்து நாட்டுக்கு செல்கின்ற பெண் ஒருவரின் கைபேசியில் நாங்கள் உரையாடி அவரிடம் இதனை வெளியிடுமாறு தெரிவித்து அனுப்பியுள்ளோம். எனவே, எங்களை இங்கிருந்து காப்பாற்றுங்கள் – என்று கோரியுள்ளனர்.
