பெண் ஒருவரை தாக்கி, அவரின் பதினான்கு பற்களை உடைத்த சம்பவம் தொடர்பில் சந்தேகத்தின் பேரில் பொலிஸ் கான்ஸ்டபிள் ஒருவர் கைது செய்யப்பட்டுள்ளார்.
திவுல்வெவ பிரதேசத்தில் இடம்பெற்ற இச்சம்பவம் தொடர்பில் மேலும் தெரியவருகையில்,
காணி ஒன்றில் சட்டவிரோதமாக உள்நுழைந்த பொலிஸ் கான்ஸ்டபிள்அந்த காணியில் வசித்த 40 வயதான பெண்ணை யே இவ்வாறு பற்களை உடைத்துள்ளார்.
சம்பவம் தொடர்பில் கைது செய்யப்பட்ட பொலிஸ் கான்ஸ்டபிள் ,கெப்பித்திகொல்லவ நீதிவான் நீதிமன்றில் கடந்த (13) ஆம் திகதி ஆஜர்படுத்தியதன் பின்னர் எதிர்வரும் 22 ஆம் திகதி வரை விளக்கமறியலில் வைக்கப்பட்டுள்ளதாக கபுகொல்லேவ பொலிஸார் தெரிவித்தனர்.
அநுராதபுரம் திறப்பனை பொலிஸ் பிரிவின் பொலிஸ் கான்ஸ்டபிள் ஒருவரே விளக்கமறியலில் வைக்கப்பட்டுள்ளார்.
தாக்குதலுக்குள்ளான பெண் அநுராதபுரம் போதனா வைத்தியசாலையில் சிகிச்சை பெற்று வருவதோடு, பல் வைத்தியர்கள் அவரை பரிசோதித்து பதினான்கு பற்கள் வாயில் நீண்டு கொண்டிருப்பதாகவும்,பற்களை சரிசெய்வதற்கு சத்திரசிகிச்சை மேற்கொள்ள பரிந்துரைத்துள்ளதாகவும் பொலிஸ் வட்டாரங்களிலிருந்து தெரியவந்துள்ளது.
தாக்குதலுக்குள்ளான இவருடைய மகன் செய்த முறைப்பாட்டினையடுத்து சந்தேகத்தின் அடிப்படையில் பொலிஸ் கான்ஸ்டபிளும் அவரது சகோதரர் ஒருவரும் கைது செய்யப்பட்டுள்ளதாக கபுகொல்லாவ பொலிஸார் தெரிவிக்கின்றனர்.
