ஹோமாகம, பிடிபனவில் உள்ள பசுமைப் பல்கலைக்கழகத்தின் இரண்டாம் கட்ட கட்டுமானப் பகுதியில் தென்னை மரத்தின் அடியில் சடலமொன்று இன்று (22) கண்டெடுக்கப்பட்டுள்ளதாக ஹோமாகம பொலிஸார் தெரிவித்தனர்.
நிக்போட வெல்லவாய வீதி, கல்பன் கொலனியைச் சேர்ந்த ரத்நாயக்க லியனகே சமன் குமார என்ற 31 வயதுடைய நபரே இவ்வாறு உயிரிழந்துள்ளார். இவர் நிர்மாணப் பணியிடத்தில் ஒப்பந்த வேலைகளை செய்து வரும் நிறுவனத்தில் கம்பி வெட்டும் தொழிலாளியாக பணியாற்றி வந்தார்.
முதற்கட்ட விசாரணையில், இறந்தவர் புத்தாண்டு விடுமுறை முடிந்து சில நாட்களுக்கு முன்பு பணி நிமித்தம் வந்ததாகவும், ஒப்பந்த நிறுவனம் அந்த நபரிடம் கொடுத்த ஆயிரம் ரூபாயில் முந்நூறு ரூபாயை செலவழித்துள்ளதாகவும் தெரியவந்தது. ஒரு நாள் செலவு, உணவுப் பொட்டலம் வாங்கி, மீதித் தொகையில் மது அருந்தியதும் கண்டுபிடிக்கப்பட்டுள்ளது.
