நுவரெலியாவில் இடம்பெற்று வரும் ஏப்ரல் வசந்தகால விழாவை சிறப்பிக்கும் வகையில் “battle of little England” கிண்ணத்திற்கான மாபெரும் கடினப்பந்து கிரிக்கெட் போட்டி இடம்பெறவுள்ளது.
இனங்களுக்கிடையிலான ஒற்றுமையை பலப்படுத்தும் வகையில் இம்மாதம் 28. 29 ஆம் திகதிகளில் நுவரெலியா மாநகர சபை பொது மைதானத்தில் இந்த மாபெரும் கிரிக்கெட் போட்டியை நடத்த ஏற்பாடு செய்யப்பட்டுள்ளது.
நுவரெலியா கல்வி வலையத்திற்கு உட்பட்ட பரிசுத்த திருத்துவ மத்திய கல்லூரி, மற்றும் காமினி தேசிய பாடசாலையின் அதிபர்கள் தலைமையில் நுவரெலியா மாவட்ட செயலகத்தின் அதிசய மண்டபத்தில் காலை இடம்பெற்றது.
ஆசிரியர்கள், மாணவர்கள் பெற்றோர்கள் பழைய மாணவர்களும் பங்குபற்றியிருந்தனர்.
இதன்போது கருத்து தெரிவித்த நுவரெலியா பரிசுத்த திருத்துவ மத்திய கல்லூரி அதிபர் எம். ரவிச்சந்திரன் தெரிவித்ததாவது.
நுவரெலியாவில் கடந்த 2023 ஆம் ஆண்டு நடத்தப்பட்ட இனங்களுக்கு இடையிலான ஒற்றுமையை பலப்படுத்தும் “battle of little England” கின்னத்திற்கான கிரிகெட் போட்டி பாரிய வெற்றியை தந்திருந்தது.
அதேபோல இவ் ஆண்டுக்கான போட்டியும் வெகு சிறப்பாக நடாத்த ஏற்பாடுகள் செய்யப்பட்டுள்ளது ஊடகங்களின் வாயிலாக தெரிவிக்கின்றோம்.
ஆகையால் இப்போட்டி சிறப்பு பெற பாடசாலையின் பழைய மாணவர்கள் மற்றும் தற்போதைய மாணவர்கள் நலன் விரும்பிகள் அனைவரையும் ஒத்துழைப்பு தந்து உதவுமாறு கெட்டுக்கொள்கிறோம்.
அதேவேளை இந்த கிரிகெட் போட்டி நிகழ்வு தொடர்பாக எதிர்வரும் ( 27) ஆம் திகதி வாகன பேரணி ஒன்றும் நுவரெலியா நகரில் நடத்துவதற்கான ஏற்பாடும் செய்யப்பட்டுள்ளதாக அவர் ஊடகங்களுக்கு தெரிவித்தனர்.
