முன்னாள் பொலிஸ் பரிசோதகர் ஒருவரின் கொலைக்கு உதவிய 25 வயதுடைய சந்தேக நபர் ஐஸ் போதைப்பொருளுடன் கைது செய்யப்பட்டுள்ளார் .
இவர் அம்பலாங்கொடை வெனமுல்ல பிரதேசத்தில் வைத்து கைது செய்யப்பட்டுள்ளதுடன் , 14 கிராம் 50 மில்லிகிராம் ஐஸ் போதைப்பொருளும் இவரிடமிருந்து கைப்பற்றப்பட்டுள்ளன.
மேலும் இவரிடம் மேற்கொள்ளப்பட்ட விசாரணைகளின் போது, கொலை செய்யபபட்ட முன்னாள் பொலிஸ் பரிசோதகர் பற்றிய தகவலை வழங்குவதற்காக அம்பலாங்கொடை பிரதேசத்திலிருந்து ரத்கமவுக்கு சென்றுள்ளமை தெரிய வந்துள்ளது.
அத்துடன் , முன்னாள் பொலிஸ் பரிசோதகர் பயணித்த மோட்டார் சைக்கிளை பின் தொடர்ந்து அவரது வழித்தடத்தை ஒழுங்கமைக்கப்பட்ட குற்றச் செயலில் ஈடுபட்ட “சமன் கொல்ல“ என்ற பிரதான சந்தேக நபருக்கு தொலைபேசி மூலம் தகவல் வழங்கியமையும் தெரியவந்துள்ளது .
