திருகோணமலை, உப்புவெளி – கப்பல்துறை பகுதியில் முச்சக்கரவண்டியில் பயணித்த இருவர் மீது நடத்தப்பட்ட துப்பாக்கிச்சூட்டுச் சம்பவத்துடன் தொடர்புடைய பிரதான துப்பாக்கிதாரி உட்பட மூன்று சந்தேகநபர்கள் கைது செய்யப்பட்டுள்ளனர்.
கடந்த 2ஆம் திகதி இரவு இடம்பெற்ற இச்சம்பவத்தில் ஒருவர் உயிரிழந்ததுடன், மற்றொருவர் படுகாயமடைந்தார்.
விசேட அதிரடிப்படையினருக்குக் கிடைத்த இரகசியத் தகவலின் அடிப்படையில், பிரதான துப்பாக்கிதாரி கடந்த 6ஆம் திகதி திக்வெல்ல பகுதியில் வைத்து கைது செய்யப்பட்டுள்ளார்.
ஏனைய இருவரும் சம்பவம் இடம்பெற்ற தினத்தன்று 32 கிராம் 800 மில்லிகிராம் ஐஸ் போதைப்பொருளுடன் கைது செய்யப்பட்டிருந்த நிலையில், மேலதிக விசாரணைகளில் துப்பாக்கிச்சூட்டுச் சம்பவத்துடன் அவர்களுக்குத் தொடர்பிருப்பது கண்டறியப்பட்டுள்ளது.
கைது செய்யப்பட்ட பிரதான துப்பாக்கிதாரி முன்னாள் இராணுவ வீரர் என்பதுடன், மூவரும் 24, 28 மற்றும் 34 வயதுடையவர்கள் எனத் தெரிவிக்கப்பட்டுள்ளது.
சம்பவம் தொடர்பில் உப்புவெளி பொலிஸார் மேலதிக விசாரணைகளை முன்னெடுத்து வருகின்றனர்.
