மகா ஓயா, சமகிபுர பிரதேசத்தில் கூரிய ஆயுதத்தால் தாக்கப்பட்டு இளைஞர் ஒருவர் உயிரிழந்துள்ளதாக மகா ஓயா பொலிஸார் தெரிவித்தனர்.
இந்த சம்பவம் நேற்றுமுன் தினம் திங்கட்கிழமை (13) பிற்பகல் இடம்பெற்றுள்ளதாக பொலிஸார் தெரிவித்தனர்.
மகா ஓயா, சமகிபுர பிரதேசத்தைச் சேர்ந்த 26 வயதுடைய இளைஞரொருவரே இவ்வாறு உயிரிழந்துள்ளார்.
இரு தரப்பினருக்கிடையில் ஏற்பட்ட மோதல் காரணமாக இந்த தாக்குதல் இடம்பெற்றுள்ளதாக பொலிஸார் தெரிவித்தனர்.
இந்த சம்பவம் தொடர்பில் 18 மற்றும் 23 வயதுடைய இரண்டு சகோதரர்கள் சந்தேகத்தின் பேரில் கைது செய்யப்பட்டுள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளை மகா ஓயா பொலிஸார் மேற்கொண்டு வருகின்றனர்
