அமெரிக்காவை சேர்ந்த நபர் ஒருவர் ஒரு லிட்டர் எலுமிச்சை சாற்றை 13.64 விநாடிகளில் குடித்து கின்னஸ் சாதனை படைத்துள்ளார்.
அந்த வகையில், அமெரிக்காவின் இடாகோ மாகாணத்தைச் சேர்ந்த டேவிட் ரஷ் என்பவரே இந்த சாதனையை படைத்துள்ளார்.
இதற்கு முன்னதாக, 16.5 வினாடிகளில் 1 லிட்டர் எலுமிச்சை சாற்றை குடித்தவர் என்ற பட்டத்தை பெற்றிருந்தார்.
இதுகுறித்த அனுபவத்தை பகிர்ந்த டேவிட் பேசுகையில், “இந்த விடயம் எனக்கு இனிதான விடயமாக இல்லை. இதனால் நான் வயிற்று வலிக்கு ஆளானேன்” என்றார்.
பல்வேறு புதுமையான விடயங்களை மேற்கொள்ளும் டேவிட், 250 க்கும் மேற்பட்ட கின்னஸ் உலக சாதனைகளை முறியடித்துள்ளார்.
இவர் தற்போது செய்த சாதனையையும் சேர்த்து 165 பட்டங்களை தன்வசம் வைத்துள்ளார்.
மேலும், இவர் தன்னுடைய வாழ்நாள் இலக்காக உலகில் உள்ளவர்களின் சாதனையை முறியடித்து அதிக சாதனைகள் புரிய வேண்டும் என்பது குறிப்பிடத்தக்கது.
