புத்தசாசன மத மற்றும் கலாசார அலுவலர்கள் அமைச்சின் மண்முனை வடக்கு கலாசார மத்திய நிலையமும், மண்முனை வடக்கு பிரதேச செயலகமும் இணைந்து நடாத்திய வெசாக் கண்காட்சி மற்றும் தன்சல் நிகழ்வு மட்டக்களப்பு கலாசார மத்திய நிலையதில் கடந்த (23) இடம்பெற்றது.
மண்முனை வடக்கு கலாசார மத்திய நிலைய பொறுப்பதிகாரி திருமதி. அமலினி ரஞ்சித் குமார் தலைமையில் இடம்பெற்ற இந்நிகழ்விற்கு, பிரதம விருந்தினராக மண்முனை வடக்கு பிரதேச செயலாளர் வ.வாசுதேவன் அவர்கள் கலந்து கொண்டார்.
குறித்த நிகழ்வில் இராணுவத்தினர், ஆசிரியர்கள், மாணவர்கள் என்போர் கலந்து கொண்டிருந்ததுடன், மாணவர்களினால் அமைக்கப்பட்ட வெசாக் கூடுகளுக்கு பிரதேச செயலாளரினால் வெளிச்சம் ஏற்றப்பட்டது குறித்த நிகழ்வு ஆரம்பமானது.
இதன் போது கடந்த (18) திகதி இடம் பெற்ற வெசாக் கூடு கட்டும் போட்டி நிகழ்வில் பங்கு பற்றிய மாணவர்களுக்கான சான்றிதழ்கள் மற்றும் பண பரிசல்கள் வழங்கப்பட்டதுடன், நிகழ்வின் இறுதியில் தன்சல் வழங்கப்பட்டமையும் குறிப்பிடத்தக்கது.
